Tazama hapa chini Video Rais John Magufuli Akizindua hati za kusafiria.

IGP Sirro azungumza na Viongozi wa Dini

WAUMINI wa Kigango cha Muze, Parokia ya Zimba Kanisa Katoliki Jimbo la Sumbawanga waliofurika kanisani kwa ibada ya misa ya Jumapili walipatwa na taharuki kubwa huku ibada ikisimama kwa muda baada ya mwanakwaya kupoteza fahamu muda mfupi baada kutoa sadaka.

Mwanakwaya huyo akiwa na ujauzito wa miezi mitano aitwaye Flora Nandi (25) akiwa mwanakwaya wa Kwaya ya Mtakatifu Cecilia alifariki dunia akiwa anakimbizwa kupatiwa huduma katika zahanati iliyopo katika kijiji cha Muze katika Bonde la Ziwa Rukwa wilayani Sumbawanga.

Mkasa unaofanana na huu ulitokea miezi sita iliyopita pale mkazi wa Mtaa wa Makanyagio katika Manispaa ya Mpanda mkoani Katavi, Beatrice Kangu (48) alifikwa na umauti muda mfupi baada ya kutoa sadaka katika ibada ya Jumapili iliyofanyika katika Kigango cha Kanisa Katoliki Jimbo la Mpanda kilichopo katika Mtaa wa Makanyagio B.
source: Tanzania Today

KIAMBU, KENYA: Jeshi la Polisi linamshikilia Mwanaume mmoja aliyewaua Watoto wake wawil 2 na yeye kunywa sumu ambayo haikumuua.

Watoto hao waliouawa
mmoja alikuwa na miaka 7 na mwingine miaka 3

Inadaiwa kuwa siku moja kabla ya Sherehe ya Christmas familia hiyo ilisafiri hadi Narumoru ambako Mama wa Watoto hao alibakia huko kwasababu ambazo hazijajulikana.

 
Mbunge wa Iringa Mjini kwa tiketi ya (CHADEMA) Peter Msigwa amefunguka na kuwapongeza baadhi ya viongozi wa dini akiwepo Askofu Zakaria Kakobe, Askofu Josephat Gwajima, Askofu Benson Bagonza kwa kile walichofanya kukemea baadhi ya matendo ya serikali

Mchungaji Msigwa ameweka wazi kuwa hicho kilikuwa kilio chake kikubwa kwa viongozi wa dini kwani Tanzania inapaswa kujengwa na watu wote na si wanasiasa tu

"Nawapongeza sana baadhi ya viongozi wa dini kama vile Askofu Kakobe, Askofu Gwajima, Askofu Bagonza na Shayo ambao kwa namna moja kimekuwa kilio changu kikubwa pamoja na wananchi wengine kuona viongozi wa dini wanakuwa kimya wakati mambo hayaendi vizuri, Kwa kifupi niwapongeze sana kwa sababu nchi hii inajengwa na sisi sote na mali yetu sote" alisema Msigwa

Aidha Mchungaji Msigwa aliendelea kusema kuwa yeye amesikitiswa na baadhi ya vijana wa Chama Cha Mapinduzi (CCM) ambao wanataka kulifanya Taifa la Tanzania lisiwe la watu wa kufikiri

"Hoja alizotoa Askofu Kakobe zinafafanua vizuri na kuwafanya watu wafikiri na kujibu kwa hoja lakini watu wameanza kumshambulia kwa kejeli na maneno ambayo si ya kiugwana, hoja siku zote hujengwa kwa hoja hakuna mtu ambaye yupo juu ya sheria, Kakobe alimuomba Mhe. Magufuli akatubu kwamba anaiendesha nchi kama vile nchi ya chama kimoja" Alisisitiza Msigwa

Leo January 31 2017 Baraza la mitihani Tanzania ‘NECTA’ limetangaza matokeo ya kidato cha nne ‘CSEE 2016’ na matokeo ya mtihani wa maarifa (QT) 2016

BONYEZA HAPA KUANGALIA ZAIDI

Rais wa Uturuki RECEP TAYYIP ERDOGAN akiwa ameambatana na mke wake mama Emine Erdogan akiwa anawasili nchini Tanzania katika uwanja wa kimataifa wa Mwalimu Julius Kambarage Nyerere jijini Dar es salaam na atakuwa na ziara ya zipatazo siku mbili

Rais wa Uturuki mhe. RECEP TAYYIP ERDOGAN akiwa amepokelewa na Waziri mkuu Mhe. KASSIM MAJALIWA

Rais wa TFF

Shirikisho la Kimataifa la Mpira wa Miguu (FIFA) limemteua Rais wa Shirikisho la Soka Tanzania (TFF), Jamal Malinzi kuwa Mjumbe wa Kamati ya Maendeleo ya soka ya FIFA kwa miaka minne ijayo.

Kwa mujibu wa taarifa iliyotolewa Januari 18, na kusainiwa na Katibu Mkuu wa FIFA, Fatma Samoura imeonesha Malinzi atadumu katika nafasi hiyo kuanzia mwaka huu hadi mwaka 2021.

“Tuna faraja kukufahamisha kuwa umeteuliwa kuwa Mjumbe wa Kamati ya Maendeleo ya FIFA, na tunachukua nafasi hii kukupongeza kwa uteuzi huu na ni imani yetu utatumia vyema muda wako na nguvu zako katika nafasi hii mpya uliyoipata,” ilisema sehemu ya taarifa hiyo.

Taarifa hiyo ilifafanua kuwa Kamati hiyo inayoongozwa na Sheikh Salman Bin Ebrahim Al Khalifa Rais wa Shirikisho la Mpira wa Miguu Bara la Asia, ina majukumu ya kusimamia mipango ya maendeleo ya mpira wa miguu duniani kote.

Imeelezwa wajumbe wengine watakaoteuliwa kujiunga na kamati hiyo watatangazwa kupitia mtandao wa Shirikisho hilo ambao ni www.FIFA.com.

Uteuzi wa Malinzi katika vyombo vikubwa vya maamuzi ya mpira wa miguu vinaendelea kuwa mfululizo kwa watanzania kupata nafasi kubwa katika vyombo muhimu kama FIFA na CAF kwani ikumbukwe mwishoni mwa mwaka jana Shirikisho la Mpira wa miguu Afrika Huu lilimteua Rais Malinzi kuwa mjumbe wa kamati maalum inayoongozwa na rais wa CAF, Issa Hayatou ya kuboresha mfumo wa uongozi shirikisho hilo.

Hata hivyo TFF ilimshukuru Rais Gianni Infantino na kamati yake ya ushauri kwa kumteua Malinzi katika nafasi ya ujumbe katika kamati hiyo muhimu ya maendeleo ya soka ulimwenguni.

Waziri Mkuu wa Tanzania, Kassim Majaliwa

Na Mwandishi Wetu,
WAZIRI Mkuu Kassim Majaliwa amempongeza mdau wa Mpango wa Kuendeleza Kilimo katika Ukanda wa Kusini (SAGCOT) kwa upande wa ufugaji, ASAS Diaries Limited kwa kuwainua wafugaji wadogo wadogo mkoani Iringa.

Akitembelea shamba kubwa la mifugo linalomilikiwa na ASAS jana, Waziri Mkuu Majaliwa aliwataka wawekezaji wengine nchini kuiga mfano wa mwekezaji huyo kwani itasaidia kupunguza migogoro isiyo ya lazima.

“Huu ni mfano mzuri wa uwekezaji ambao unasaidia wafugaji wadogo wadogo wanaomzunguka mwekezaji mkubwa kunufaika kwa soko la uhakika,utaalam na huduma za kijamii pia,” alisema waziri mkuu.

Majaliwa amejionea ufugaji mkubwa wa kisasa katika shamba hilo ambalo lina ng’ombe wa kisasa wa maziwa zaidi ya 1,000  na kuwataka wafugaji wadogo kuchangamkia fursa wanazozipata.

“Wakati sasa umefika kwa Watanzania kupenda bidhaa zinazotengenezwa hapa nyumbani kwani zipo zenye ubora wa hali ya juu,” alisema waziri mkuu na kuongoza kuwa ameridhishwa na uwekezaji kwenye shamba hilo la mifugo la ASAS.

Awali akimkaribisha Waziri Mkuu, Mkurugenzi Mtendaji wa ASAS Diaries Limited,  Fuad Jaffer, alisema kampuni imefanikiwa katika uboreshaji wa mifugo, udhibiti wa magonjwa ya mifugo kuzalisha mitamba na madume bora.

“Tumefanikiwa kuimarisha mahusiano mazuri na jamii kwani Kampuni imeajiri watumishi wengi kutoka maeneo yanayotuzunguka,” alisema  Jaffer.

Mkurugenzi Mtendaji huyo alimwambia waziri mkuu kuwa kiwanda kinasindika lita 14,000 za maziwa kila siku ambayo ni sawa na asilimia 24 ya uwezo wa kiwanda.

Waziri Mkuu alitembelea shamba hilo la ASAS ambaye pia ni mdau muhimu wa SAGCOT, ikiwa njiani kuelekea katika Mkoa wa Njombe.

Kwa upande wake, Mkuu wa Kongani na  Ubia wa Maendeleo wa SAGCOT,   Maria Ijumba, aliwaambia waandishi wa habari kuwa ASAS ni mfano wa kuigwa kwa wadau wa SAGCOT kwenye sekta ya ufugaji.

“Kwa kweli Serikali inapaswa imuunge mkono kwa dhati kwani mchango wake katika jamii zinazomzunguka ni mkubwa sana. ASAS mbali ya kuwasaidia wafugaji wadogowadogo anachangia sana katika maendeleo ya jamii zinazomzunguka,” alisema  Ijumba.

 Ijumba alitoa pia mwito kwa Watanzania kujijengea tabia ya kupenda kunywa maziwa yaliyosindikwa na hasa yalitengenezwa hapa nchini.

“Sisi kama SAGCOT tunafanya kazi kwa karibu na wadau wetu ili wafikie malengo waliyojiwekea,” alisisitiza.

Waziri wa Maliasili na Utalii, Prof. Jumanne Maghembe, (kushoto) akisistiza jambo kwa wajumbe wa Kamati ya Bunge ya Ardhi, Maliasili na Utalii walipotembelea ofisi za Taasisi ya Utafiti wa Misitu Tanzania (TAFORI) mkoani Morogoro jana. (Picha na Hamza Temba - WMU)

MWANAHARAKATI wa kutetea haki za elimu nchini, David Msuya, ameshauri Chama cha Walimu Tanzania (CWT) kuangalia zaidi matatizo yanayokumba walimu na kutatua changamoto hizo na si kukimbilia kufungua kesi mahakamani.

Akizungumza kwa njia ya simu na mwandishi wa habari hizi jijini  Dar es Salaam jana, David alisema anatoa ushauri huo  baada ya Mkuu wa Mkoa Mtwara, Halima Dendego, kutoa agizo la kuwavua vyeo walimu wakuu wa mkoa huo kutokana na kushuka kwa elimu mkoani hamu, lakini CWT imepinga ikitishia kwenda mahakamani endapo walimu hao watavuliwa vyeo.

Alisema hatua hizo zisichukuliwe kwa walimu pekee, bali hata kwa maofisa elimu wasiowajibika kwa kuvuliwe madaraka kwani wengi wao hukaa maofisini tu na hawaendi kuona na kuwasikiliza walimu kero zao maofisini.

"Hali hii inadhohofisha sana suala la elimu nchini, wakati mwingine  maofisa wa elimu hawaendi kule mashuleni kusikiliza kero za walimu na hata wakifuatwa maofisini kwao, walimu hawapati nafasi ya kuwaona,"alisema David

Aliitaka Serikali kutowavumilia wafanyakazi wasiowajibika na si kwa walimu pekee bali hata katika taaluma zingine nchini

Aidha, alisema Sheria ya Maadili inasema mwajiri atatimiza wajibu wake kwa kumpatia mwajiriwa wake mshahara kwa kila mwezi na kwa wakati, lakini inaonekana kuwa kinyume kwani Sheria hiyo haitekelezwi

"Matatizo ya walimu ni mengi, changamoto ni nyingi siku hadi siku kama wao Chama cha walimu wanajua kutetea na kushughilikia kero ili  ziishe na si kushabikia mambo,"alisema David

Alisema kuwa CWT inaonekana kuwa mtetezi wa walimu, lakini si kweli.

Aliongeza kuwa Mkuu wa Mkoa  ni sawa na  Rais kwenye eneo lake la utawala, hivyo akitoa tamko kama hilo linapaswa kusikilizwa na kutekeleza.

Alisema ni wajibu wa Tume ya Maadili kusikia agizo hilo na CWT ni wajibu wao kufanyia kazi  kutokana na uzito wa jambo hilo.

"Mimi naunga kauli ya Mkuu wa Mkoa kuhusu kuvuliwa vyeo walimu wakuu na ikiwezekana mpaka kwa maofisa elimu wa Mkoa wa Mtwara ili kuendana na kasi ya Rais John  Magufuli ya Hapa Kazi Tu,"alisema David


mwishooooooooooooooo

Mbarawa  azitaka taasisi kujiunga na kituo cha kumbukumbu.

Waziri wa Waziri wa Ujenzi, Uchukuzi na Mawasiliano Profesa Makame Mbarawa

Na mwandishi wetu

Waziri wa Ujenzi, Uchukuzi na Mawasiliano Profesa Makame Mbarawa ameziagiza Taasisi zote za Serikali nchini kuhakikisha zinaleta taarifa zao kuhifadhiwa katika kituo cha Taifa cha Kuhifadhi kumbukumbu cha Kijitonyama (IDC) kwani kituo hicho ni salama na kina ubora wa hali ya juu katika Kanda ya Afrika Mashariki na Kati.

Aidha, alizitahadharisha baadhi ya Taasisi zenye mpango wa kujenga na  kuanzisha vituo vyao vya kuhifadhi kumbukumbu kuacha mara moja mpango huo,  kwani kufanya hivyo ni kuingilia kazi ya kituo hicho na kupoteza fedha za Serikali.

Hayo yalisemwa jijini Dar es salaam na Waziri huyo mara baada yakutembelea kituoni hapo na kupokea taarifa ya uendeshaji wa kituo hicho kutoka kwa Mkuu wa Kituo.

“Sioni sababu kwa Taasisi nyingine kutaka kujenga vituo vyao vya kuhifadhi kumbukumbu, Serikali imeshawekeza fedha nyingi kwa ajili ya ujenzi wa kituo hiki, hivyo taasisi zote nchini zinalazimika kutumia kituo hiki”,  alisema Profesa Mbarawa.

Sambamba na hilo alizisisitiza kampuni zilizo chini ya Wizara yake kuwa mfano wa kuigwa na taasisi nyingine nchini kwa kuwa wa kwanza kuleta taarifa zao kuhifadhiwa katika kituo hicho.

Kwa upande wake, Mkuu wa Kituo hicho Abdul Mombokaleo, alifanunua kuwa hadi sasa wameshafanikiwa kuunganisha wateja 13 kujiunga na kituo hicho na wengine zaidi ya 40 wapo katika mchakato wa kujiunga.

Katika hatua nyingine, Waziri Mbarawa alitembelea ofisi za Kampuni ya Simu Tanzania (TTCL) na kusema kuwa ameridhishwa na utendaji wa kampuni hiyo kutokana na jitihada zake za kuteka soko la ushindani katika kampuni za mawasiliano nchini.

“Nimefarijika zaidi kuona sasa TTCL inafanya vizuri katika eneo la masoko kwani nimeshuhudia matangazo mengi barabarani, kwenye runinga, magazetini na katika mitandao ya kijamii, hii inadhihirisha sasa mna mpango wa kuifufua kampuni hii”, alifafanua Profesa Mbarawa.

Aliutaka uongozi wa kampuni hiyo kuwa wabunifu na kufanya kazi kwa uadilifu na ushirikiano ili kuleta mabadiliko chanya yatakayoboresha kampuni hiyo na kuteka zaidi soko la mawasiliano nchini.

 Na Mwandishi Wetu

Mhandiri wa Chuo kikuu cha Dar es Salaam, Profesa Kitillya Mkumbuko akizungumza na wadau wa elimu katika moja ya mikutano ya hakielimu

BALOZI wa Sweden Nchini Tanzania Katrina Rangnitt amezindua mpango mkakati wa  miaka mitano  2017/2021 wa Taasisi isiyokuwa ya kiserikali ya Haki Elimu unaojikita katika uboreshaji elimu nchini Tanzania.
Akizindua mpango huo balozi wa Sweden  Rangnitt kwa kushirikiana na  bodi ya taasisi hiyo, alisema kuwa mkakati huo ni kufanya ushawishi kwa serikali  ili iandae na kutekeleza sera ambazo zitakuwa fursa kwa watoto hususani katika kuandikishwa shule, usawa wa elimu jumuishi iliyo bora, inayotolewa kwenye mazingira rafiki na salama kwa wote.
Pia alisema mkakati huo utahakikisha kuwa wananchi wanapata taarifa, wanajipanga kwa  kushiriki katika kutatua changamoto zilizopo katika shule nyingi nchini hususani kwa kufuatilia utawala na utoaji elimu bora.
Kwa upande wake Mkurugenzi mtendaji wa Haki Elimu John Kalage, alisema kuwa mkakati huu wa  miaka mitano ni kuhakikisha  wanashawishi mabadiliko ya  sera na utekelezaji wake.
Alisema elimu ya Tanzania haina falsafa iliyo  wazi hivyo inashindwa kufiki ujumuishaji kamili wa makundi yote na kutoa  matokeo bora ya kujifunza  yenye manufaa kwa wanafunzi.
"Shule  si sehemu salama kwani mtoto mmoja kati ya wawili hukumbana na ukatili ambao umezoeleka kutendwa na walimu hivyo kuna haja ya  kufanya marekebisho zaidi sera ya elimu na kampeni ya kuhimiza utekelezaji makini wa sera ya elimu ya mwaka 2014 ili kuhakikisha upatikanaji wa elimu na ubora wake vinaimarika,"alisema Kallage.
Alisema licha ya juhudi za serikali  zinazoendelea, sekta ya elimu nchini Tanzania bado imesongwa na  changamoto kubwa ambazo ni pamoja na  matokeo duni ya ufundishaji wa wanafunzi, utoro wa Waalimu na uwezo mdogo wa kufundisha na kukosekana kwa  usawa wa kijinsia.
Pia alisema  kushamiri kwa  mfumo tabaka wa elimu ni tatizo kwani watoto wa wenye fedha wachache wanapata elimu bora kwenye shule binafsi na masikini wanaachwa kwenye elimu duni katika shule za serikali.
Aliongeza kuwa kukosekana kwa falsafa na malengo ya elimu vinavyoeleweka kwa kila mtu matokeo yake, elimu ya Tanzania imekosa falsafa na malengo ya kuiongoza.
Naye Mhadhiri wa Chuo kikuu cha Dar es Salaam Profesa Kitillya Mkumbo,alisema serikali inatakiwa kuchukua hatua za muda mfupi za kutatua changamoto za elimu ya msingi kutokana na mfumo ambao siyo bora.
Pia alisema Mtazamo wa serikali kwa vyuo vya ufundi bado msukumo wake ni mdogo, hivyo wanatakiwa kuelekeza nguvu katika vyuo hivyo ili kupata watu wenye ujuzi na kufikia lengo la kuwa na serikali ya viwanda.
Vile vile alisema elimu ya juu hapa nchini  inawalimu wachache  wenye shahada ya uzamivu ambapo ni asilimia 25 tu na chuo Kikuu cha Dar es Salaam ndiyo wenye  walimu wengi wenye shahada hizo  hivyo kuna haja ya  serikali kuwekeza kwenye elimu na kutoa elimu bora.

 Na Mwandishi Wetu

MKUU wa Wilaya ya Mkuranga Albert Sanga amewataka madereva bodaboda wa wilaya hiyo
kuzingatia kanuni na sheria za usalama barabarani pindi waendeshapo vyombo vyao vya moto ili kuweza
kupunguza tatizo la ajari katika wilaya hiyo.

Mkuu wa Wilaya ya Mkuranga, Albarto Sanga akizungumza na madereva bodaboda wakati wa hafla fupi ya kuwakabidhi vyeti pamoja na leseni zao.

Hayo aliyasema juzi wilayani humo wakati alipokuwa akizungumza na madereva hao wakati wa sherehe za
kuwatunuku leseni na vyeti madereva bodaboda zaidi ya 1580 waliohudhuria mafunzo ya uendeshaji wa vyombo vya moto.

Akizungumza na madereva hao katika hafla hiyo, Sanga aliushukuru uongozi wa chuo cha New Vision kwa kutoa mafunzo bora ya udereva kwa madereva wa bodaboda wa wilaya hiyo na kuongeza kuwa mafunzo hayo yataweza kuleta maendeleo kwa madereva hao na kuongeza hali ya uwajibikaji ambayo kipindi cha nyuma walikuwa hawana.

Mbunge wa Jimbo la Mkuranga, Abdallah Ulega akiwaelekeza jambo madereva wa bodaboda wilaya ya Mkuranga, katika hafla hiyo Ulega alitoa kiasi cha Sh. Milioni moja ili kuweza kufanikisha malengo ya chama hicho cha bodaboda

Alisema endapo madereva hao wataweza kuzingatia kanuni na sheria za usalama barabarani wataweza kupunguza ajari za mara kwa mara na kuongeza uzalishaji wa malighafi mbalimbali zitakazoweza kuiinua wilaya hiyo kiuchumi.

"Lakini pamoja na kuzingatia sheria za usalama barabarani nawaomba sajilini chama chenu na kama mtaweza kufanya hivyo basi mtakuwa mmefungua fursa mbalimbali ikiwemo za kupata mikopo itakayowanufaisha katika mambo yenu ya udereva wa bodaboda pamoja na hali ya maisha kiujumla," alisema Sanga.

Aliongeza kuwa madereva hao wanapaswa kuongeza bidii katika kufanya kazi zao ili waweze kununua pikipiki zao wenyewe badala ya kutrgemea pikipiki za watu wengine ambazo zinawafanya wasipate mafanikio.

Kwa upande wake Mkurugenzi wa Chuo cha Udereva cha New Vision, Jonas Bigoya alisema tatizo la ajari za barabarani linaweza likaepukika endapo madereva wataweza kuhudhuria mafunzo mbalimbali katika vyuo vilivyosajiliwa kwa mujibu wa sheria.

Alisema Watanzania wanapaswa kutambua madereva bodaboda na wao wanafanya kazi kama wafanyavyo watu wengine katika sekta muhimu za kukuza uchumi wa nchi hivyo kutoa mafunzo kwao kutaweza kuwaongezea ujuzi na mbinu mbalimbali za kuweza kuboresha mazingira yao ya kazi.

"Chuo chetu tumegundua tatizo la ajari kwa jinsi linavyozidi kutokea hapa nchini na tutaendelea kutoa elimu maeneo yote ya nchi ili tuweze kutoa elimu na kutokomeza tatizo la ajari linalozidi kutokea mara kwa mara," alisema Bigoya.

Bigoya alimtaka Mkuu wa Mkoa wa Pwani kukiruhusu chuo hicho kupita katika kata zote za mkoa huo ili kuweza kutoa elimu kwa wananchi ambao wanamiliki vyombo vya moto.

Aliongeza chuo hicho kitaweza kutoa mafunzo hayo ya udereva kwa gharama nafuu ambazo zitamuwezesha kila mtanzania kumudu gharama hizo tofauti na baadhi ya vyuo ambavyo vimekuwa vikitoza gharama kubwa zinazowafanya watanzania wengi kushindwa kuhudhuria masomo hayo.

Mkaguzi msaidizi wa Polisi Mkuu Usalama barabarani Mkuranga, Hamidu Mtiginjole akiwaasa madereva wa bodaboda wilaya ya Mkuranga kuzingatia sheria na kanuni za usalama barabarani pindi watumiapo vyombo vya moto.

Akizungumza kwa niaba ya Wanakikundi cha Timu Safiri na Safari Salama inayoundwa na wanachama zaidi ya kumi, Mwenyekiti wa kikundi hicho Edward Chienela alisema kuwa waliamua kuaandaa programu hiyo pasipo malipo ili kuweza kutoa elimu kwa wananchi wanaoshindwa kwenda mjini kupata elimu ya udereva.

Alisema kikundi hicho kitaendelea kuandaa programu za aina hiyo ili kuweza kuhakikisha madereva wote wa wilaya hiyo wanaendesha vyombo vyao hali ya kuwa wanaelimu ya kutosha.

Mafunzo hayo yaliyotolewa kwa muda wa mwezi mmoja yaliweza kuhudhuriwa na madereva zaidi ya 1580 kutoka katika kata 25 za wilaya hiyo huku 1407,wakitunukiwa vyeti, 600 wakitunukiwa leseni zao na 807 wakiwa wanasubiria mchakato wa kukamilisha leseni zao.

Mkuu wa Wilaya ya Temeke, Felix Lyaniva, Picha na Maktaba.

MKUU wa Wilaya ya Temeke Felix Lyaniva amewataka watanzania kuacha itikadi za kidini pamoja na siasa katika utendaji wao wa kazi badala yake waungane kwa pamoja katika kufanya shughuli mbalimbali zenye lengo la kusaidia kutatua matatizo yanayoikumba jamii.

Akizungumza na wadau mbalimbali waliojitokeza katika uzinduzi wa zoezi la uchangiaji wa damu lililoandaliwa na Jumuiya ya Akhlaaqul Islam (JAI) katika viwanja vya Mwembe Yanga Jijini Dar es Salaam, Lyaniva amesema kuwa watanzania wanapaswa kujitokeza kwa wingi katika kushiriki kazi zinazoonekana kuokoa uhai wa wananchi ikiwemo zoezi hilo muhimu la uchangiaji damu.

Amesema kwa sasa kumekuwa na uhitaji mkubwa wa damu katika hospitali mbalimbali nchini kutokana na makundi yanayohitaji damu kuwa mengi zaidi na kuongeza kuwa endapo watanzania watajitokeza kwa wingi katika uchangiaji wa damu wataweza kupunguza tatizo hilo ambalo linaonekana kugharimu maisha ya wagonjwa wengi.


Lyaniva amesema kitendo cha kujitolea kuchangia damu ni cha kiungwana na kinapaswa kutendwa na kila mtu mwenye vigezo vya kufanya hivyo kwani damu hainunuliwi madukani kama ilivyo bidhaa nyinginezo ambazo zinatengenezwa kiwandani.

Hata hivyo Lyaniva amewataka madereva wanaotumia vyombo vya moto kuendesha pole pole vyombo hivyo na kueleza kuwa endapo watakuwa wakiendesha kwa kufuata taratibu za usalama barabarani wataweza kupunguza ajari za mara kwa mara  na kupelekea mahitaji ya damu kuwa madogo tofauti na ilivyo sasa ambapo ajari zimekuwa zikijitokeza kila kuchapo.

"Nadhani mnatambua kwamba damu inapatikana kwa binadamu pekee na kujitolea kutoa damu yako kwa watu usiowajua kwa hakika unapata swawabu kubwa kutoka kwa Mungu kwa sababu damu hii inakwenda kuokoa maisha ya maelfu ya watanzania wenye uhitaji wa damu kila siku wakiwemo Majeruhi wa ajari, Watoto, Wamama wajawazito pamoja na wagonjwa wa Saratani ambao wote kwa ujumla wanawategemea ninyi," alisema Lyaniva.

Kwa Upande wake Mlezi wa JAI, Sheikh Nurdin Kishki amewataka waislamu kushindana katika kufanya mambo mema yenye lengo la kulisaidia taifa katika utatuzi wa matizo mbalimbali yanayolikabili badala ya kushindana kufanya mambo yanayovunja umoja na mshikamano ambayo yanapelekea kuvunjika kwa amani ya taifa.

Sheikh Nurdin Kishki, Picha na Maktaba.

Amesema waislamu wanapaswa kushindana katika matukio muhimu ya shughuli za kijamii kunawafanya wazidi kupata heshima katika taifa la Tanzania na kuongeza kuwa endapo wataendelea kubishana na kushindana katika masuala ya vita jamii ya watanzania haitawaamini na itawaona kama vile ni watu wasio na maana yoyote ile.

"Nataka mtambue hata katika vitabu vyetu vitakatifu vimeonesha umuhimu uliopo katika kushiriki shughuli hizi za kijamii na leo hii natarajia kuona misikiti ikishindana katika kuleta waumini wao kuja kutoa damu kwa sababu nahakika hiki kitendo ni cha kiungwana kuliko vyote tuvitendavyo," alisema Kishki.

Ameongeza kuwa katika zoezi hilo la ukusanyaji wa damu wanatarajia kupata chupa zaidi ya Elfu tatu ambazo zitakabidhiwa kwa damu salama ili kuweza kuzigawanya kwenye hospitali zenye uhitaji wa damu.