Vurugu zapelekea mamilioni kuwa nje ya shule-HRW

SHIRIKA la Kimataifa la  Waangalizi wa Haki za Binadamu (HRW) limebaini kwamba sheria za kibaguzi,  mazoea, ada ya juu, vurugu, na mambo mengine yanasababisha mamilioni ya watoto na vijana  kuwa nje ya shule katika nchi nyingi duniani.

Kwa mujibu wa taarifa iliyotolewa jana  na Mtafiti wa Watoto kutoka HRW,  Elin Martínezka kuhusu  ripoti  iliyotolewa na shirika hilo juu ya   nchi mbalimbali duniani kushindwa na kutotimiza haki za kutoa elimu kwa watoto na vijana.

Alisema kwa mujibu wa Shirika la  Umoja wa Mataifa la Elimu, Sayansi na Utamaduni la, UNESCO, limesema kwamba watoto na vijana takribani milioni 124 wapo  nje ya shule.

"Ni jambo lililo wazi kwamba mwaka 2016, mamilioni ya watoto na vijana duniani kote walinyimwa haki yao ya elimu," alisema , mtafiti huyo .

Alisema ufuatiliaji dhaifu wa serikali na ukosefu wa sera zisizo na ubaguzi  mara nyingi kutoa fursa kwa maafisa elimu kutumia nguvu na kuamua watakavyo katika suala zima la elimu.

Alisema serikali zote duniani katika miongo miwili iliyopita  ziliahidi kuondoa vikwazo vya elimu kwa watoto ili waweze kupa elimu.

Alisema nchi  196 ambazo ni wanachama wa  Umoja wa Mataifa walipitisha  majukumu ya kisheria kwa watoto wote katika maeneo yao na kuridhia Mkataba wa Haki za Mtoto na mikataba  ya kimataifa kikanda na wengine yaliyowekwa  ili kulinda haki ya kupata elimu.

Alisema Septemba , mwaka jana , serikali zote zilikubaliana kufanya kazi pamoja na kuhakikisha umoja na ubora wa elimu kwa wote ifikapo mwaka 2030, kama sehemu ya Umoja wa Mataifa.

Alisema pamoja na wajibu katika mikataba mingi ya kimataifa ya kuondoa ada za shule za msingi na gharama zinazohusiana, nchi nyingi, ikiwa ni pamoja na Jamhuri ya Kidemokrasia ya Kongo na Afrika Kusini, malipo ya ada yameondolewa  kwa familia ambazo haziwezi kumudu.

Alisema gharama kubwa za ada katika ngazi ya sekondari huacha  mamilioni ya vijana katika nchi za  Bangladesh, Indonesia, na Nepal kukosa elimu.

Alisema kwa mujibu wa Shirika la Umoja wa Mataifa linalohudumia watoto UNICEF, shule zenye vurugu  huathiri watoto zaidi ya milioni 246 ambapo adhabu ya viboko shuleni pamoja na  mazoezi ambayo ni sawa na mateso na udhalilishaji zina  athari hasi juu ya uwezo wa watoto kujifunza  hususani katika  nchi za Tanzania, Afrika Kusini na baadhi ya majimbo  nchini Marekani.

Alitaja  mambo yanayosababisha wasichana kuwa nje ya shule kuwa ni  pamoja na kuenea kwa vitendo vya  unyanyasaji wa kijinsia na unyanyasaji na walimu na wenzao.