Samia awataka watanzania kutunza mabasi mwendokasi

Makami wa Rais wa Jamhuri ya Muungano wa Tanzania, Samia Suluhu Hassan

MAKAMU wa Rais Samia Suluhu, amewataka watanzania kuyatunza magari ya Mradi wa Mwendo Kasi Dar es Salaam (DART) ili yaweze kudumu.

Makamu wa Rais Samia,  aliyasema hayo Dar es Salaam jana, wakati wa kuyakagua magari hayo ambapo aliwataka madereva wa magari hayo kufuata sheria na kuyatunza yawe endelevu.

"Watanzania huu mradi wenu nawaomba myatunze magari haya msiyafuje yakaharibika mapema tutunze kiweze kudumu."alisema  Samia.

Alisema magari hayo ni mazuri yakitunzwa vizuri yataweza kutoa huduma bora ndani ya mkoa huo madereva wakifuata   sheria.

Kwa upande wake Mmiliki wa Mradi huo,Robart Kisena alisema kwa sasa madereva wa mradi huo wanaendesha kwa kufuta sheria za usalama barabarani na kiwango cha ajali kimepungua.

Robart alisema awali mradi huo wakati unaanza ajali zilikuwa nyingi ila kwa sasa madereva wake wamepata elimu ya kutosha ajali kwa sasa zimekwisha tofauti na awali.

Aliwataka   madereva wa DART kufuata sheria na kanuni za usalama barabarani ili wasisababishe ajali za kizembe ambazo zinaweza kuzuilika.

Alisema dereva akiwa makini pindi anapokuwa barabarani awezi kusabisha ajali madereva wake wamepata elimu ya kutosha katika mradi huo.

Wakati huohuo Kisena alizungumzia suala la mgomo kwa madereva wanaotaka kugoma wakidai maslai yao,alisema taarifa hizo yeye ana hila jana madereva wote wamesaini mikataba mipya.

Kisena alisema taarifa za madereva wa DART kugoma aijamfikia katika ofisi yake kama zipo atazitolea ufafanuzi baadae.